جماعة قالو ليهم كل واحد يرسم حيوان معين .. معاهم واحد مسطلاتي رسم نقطة صغيييرة .. سألو ده شنو !!! قال ليهم ده فيل جاااااي من بعيييييييييييد
مسطول كان ماشى لقى الناس بصلوا فى (زاويه) و الارضية كانت برش قام صلى معاهم، بعد الصلاة خلصت الناس مشت الا الامام و المسطول(لانو كان غالبو يقوم) ، قام الامام قال للمسطول : يا ولدى يلا لفها، المسطول : يا مولانا انت جادى ، دى يولعوها بشنو ؟
كان في واحد يهودي راكب في قطر الجمبو سألو الساعة كم اصلووو ابي يرد ليهو .. بعد وصل القطر بعد خمسة ساعات اليهودي قبل على الراجل وقال ليهو الساعة كذا اهاا الراجل لحقو سالو وانت قبيل ما رديت لييييييه !!! قالليهو اكان رديت ليك حتقول لي ساعتك جميلة وبعد شوية اسمك منو وبعد شوية حتعرف انو عندي بت جميلة وبعد شوية حتجي تطلبها مني وانا ما بادي بتي لواحد ما عندو ساعة
مسطول بسال في مسطول : القميص ده ماشي مع البنطلون بتاعي ده ؟؟؟ التاني برد : وهو البنطلون بتاعك ماشي وين
مسطول فتح التلاجة الجلي قعد يرجف .... قال ليهو .. ما تخاف انا جااي اشرب موية بسسس
واحد غتيت لقي صاحبو في الشارع صاحبو قال ليه ابوي عيان لي ما جيت زرتو قال لية (الغتيت) قلتا اجي العزاء مرة واحدة
مسطول لقى كنز بقى يفتش في الخريطة
مسطول عزموه على سمك!قالوا له: خلي بالك من الشوك! رد عليهم :ماتخافو..لابس جزمة
مسطول قبض مرتبة وقاعد بيقسم المرتب مية الف جنيه ايجار مية الف جنيه مصاريف وعشرين الف جنيه حشيش البوليس خبط علي الباب قطع العشرين جنيه بتاعت الحشيش.........
جماعة مساطيل...قاعدين في بيتهم...دايرين يولعوا سجاره عاديه...لقوا الكبريت خلص...رسلوا واحد للدكان يجيب كبريت
داك مشي الدكان وجا راجع ساكت بدون الولعه
قال ليهم الدكان قفل لكن لقيت ست شاي مولعه المنقد...طيب ما كان تولع..؟؟؟ ارجع ليها
صاحبنا رجع..وجا تاني بدون ولعه..مالك؟؟
قال لقي ست الشاي قفلت...لكن لقي واحد في الشارع مولع سيجاره..!!!!؟ ارجع ليهو..؟؟
قالوا ليهو: لأ.. انت ما نافع...خلاص أطفي الشمعه دي معاك خلينا ننوم
قالوا ايام حظر التجول فى واحد مسطول طلع جنب البيت وقعد فى العتبة ولف ليه سيجارة كاربة وقعد بعد شوية عربية الدورية جات حايمة شافو الراجل قاعد مستكين قام الضابط ساله انت ياشاب قاعد تتحاوم مالك ماعارف فى حظر تجول المسطول عاين للضابط وقال ليه هسى القاعد يتحاوم منو
اتنين مساطيل في موقف المواصلات بتفرجو في حافلة والناس بتدافروا عشان يخشو فيها !!!
الاول: الناس دي كل يوم بتتشاكل عشان ترجع لبيوتها !!!
التاني محتاااار: والغريبة تاني يوم بجو راجعين تااني
مسطــــــــــــول ماشي وراء واحدة مسطــــــــولة فكر يقول ليها حاجة يشاغلها قال ليها : ا لحلوة وراها مشوار؟
قالت ليهو: الحلوة وراها .........حمااااااااار
فــى واحــــــــد وقـــع في الـــحمام اتظلط شديد خلاص مشى للدكتور تعبان جدا من الألم . الدكتور اداهو مرهم ,قاليه تمسح محل وقعته .صاحبــنا مســـــح الحـــــــــــــــــمام كلـــــــــــــو .
مسطول لقوه شايل شامبو وبمسح بيهو في بيض جداد سالوه يا زولبتعمل في شنوو قال ليهم اصلو ده شامبو مزيل للقشرة
مسطول وقع في حفرة ، حاول يطلع ثلاث مرات ، قال : دي آخر مرة اذا ما طلعت بمشي البيت
مسطول ضرب ربع حيطة بيتو جير .. وكتب .. الخ
2007-06-17, 05:06
