السلام عليكن يابعد شيباتي وطوايفي
بما انه انا شمعه تحترق من اجل البشريه وكافة انواع الصراصر المنزليه
وجدت انه لازم اعرج على انواع الاقمشه النسائيه ومناقشة الايدولوجيات
للقماش النسائي واعم خصائصه لازم نعرف الخصايص لانه الخصايص
صح الخصايص للرجل اي لازم الرجل يعرف الخصايص للقماش اقصد
الكودري نوع من انواع الاقمشه بس مع الاسف واقولها وقلبي وعيوني
وروحي تبكي على الكودري لانه بالغسل يخش مثل ما خش الشعب العراقي
من 25 مليون خش الى 20 مليون وكلها فدوه للديمقراطيه
لهذا على المراه من تفصل دشداشه كودري تسويها طويله جدا جدا اطول
من المعاناةالعراقيه حتى من تغسلها تصغر شويه يعني تسويها مال الف
غسله لانه وره الالف الدشداشه راح تصير فوق الركبه يعني تصير اباحيه
عدكم ام فاظل الله يذكرها بالخير بفرحة ميلاد القائد المجاهد الطاغيه صدام عز العرب
من فرحتها فصلت دشداشه كودري بس هي ماتعرف انها تخش وره الغسل فالحقير
ابن الحقير زوجها ابو فاظل الي جان بعثي كبير مسؤل منظمات الحزب في السماوه
استغل هاي الناحيه الفيزياويه لقماش الكودري فكام من وره ام فاظل يوسخها للدشاشه
حتى هي ام فاظل الثوله تغسلها كل يوم حتى تخش وتصعد فوق الركبه وخطيه ام فاظل
يوميه حاطه الطشت وتغسل بيها الدشداشه الكودري
ويوما بعد يوم الدشاشه الكودري مال ام فاظل صارت فوق الصره بمسافة شبر
ونص ابو فاظل كال مابقه شى وتوصل الى الرقبه هو جان يريد دشداشه ام فاظل
الكودري توصل الى الزردوم مال الرقبه فشنو سوه جاب سطله حبر اسود وذب
الدشاشه بالحبر ورشرد عاد ام فاظل كعدت تغسل الدشاشه الكودري بالطشت
شهرين ويومان وثلاث ساعات الى ان صارت نظيفه من نشفت لبستها تكول
عبالك لفاف داير رقبتها بس الرقبه مستوره فقد لا غير والباقي شلولو
عدكم الجرجيت قماش بارد هو صح نسائي بس الحكومه العراقيه بقيادة المالكي
اصدر قرار وزاري كل الشعب رجال ونساء يلبسون جرجيت بالصيف لانه قماش بارد
والكهرباء ماكو والحر يسمط سمط
عندك ابو سعدون فصل دشداشه رجاليه جرجيت وابو قاسم فصل جرجيت بجامه
خو ابو سيد زهره هذا روحه فايحه وعنده حساسيه من الحر حتى ملابسه الداخليه
فصلها جرجيت وسواها جرجيت مشجر مو ساده مشجر مثل الموده مال العجايز
يكون شورت شكبره تطول برشوت شنو السالفه ياحجيه سويتي ازمه بالجرجيت
الستن هذا يفصلون منه بدلات العرس ليش لانه الستن يزلك بسرعه لانه وره الزفه
العروسه راح تنزع بدلة العرس والوقت كالسيف اذا لم تقطعه ثرمك يعني شلون
انظيع ساعه حتى الخاتونه تخلص
ان شاء الله تكون المحاظره قيمه والي عدها سؤال عن اي قماش بالخدمه
2007-06-16, 13:27
